gaṃgādhyānaṃ

gaṃgā dhyāna purassaraṃ gaṃgāṃ praviśya || atha gaṃgādhyānaṃ ||

ślo|| gaṃgā gaṃgetiyobrūyādyojanānāṃśatairapi |

mucyate sarvapāpebhyo viṣṇulokaṃ sa gacchati ||

aṃba tvaddarśanā nmukti rjñānai snānajaṃ phalam |

svargārohaṇa sopāni mahāpuṇyataraṃgiṇī ||

viśveśaṃ mādhavaṃ ḍhuṃḍhiṃ daṇḍapāṇiṃca bhairavam |

vaṃde kāśīṃ guhaṃ gaṃgāṃ bhavanīṃ maṇikarṇikām ||

atitīkṣa mahākāya kalpāṃtadahanopama |

bhairavāya namastubhyaṃ anujñāṃ dātu marhasi ||

tvaṃ rājā sarvatīrthānāṃ tvameva jagataḥ pitā |

yācitau dehime tīrthaṃ sarvapāpāpanuttaye ||

yo౽sau sarvagato viṣṇu ścaitanyarūpī niraṃjanaḥ |

sa eva dravarūpeṇa gaṃgāṃbho nātra saṃśayaḥ ||

naṃdinī naḻinī sītā mālinī ca mahāpagā |

viṣṇupādābjasaṃbhūtā gaṃgetripathagāminī ||

bhāgīrathī bhogavatī jāhnavī tridaśeśvarī |

dvādaśaitāni nāmāni yatra yatra jalāśaye ||

snānakāle paṭhennityaṃ mahāpātaka nāśanam ||

aghamarṣaṇa sūktaṃ pavamāna sūktaṃca japet.

āpohiṣṭā iti tisṛbhiḥ hiraṇya varṇā iti catasṛbhiḥ mārjayet . snātvācamya.