గంగాధ్యానం

గంగా ధ్యాన పురస్సరం గంగాం ప్రవిశ్య ॥ అథ గంగాధ్యానం ॥

శ్లో॥ గంగా గంగేతియోబ్రూయాద్యోజనానాంశతైరపి ।

ముచ్యతే సర్వపాపేభ్యో విష్ణులోకం స గచ్ఛతి ॥

అంబ త్వద్దర్శనా న్ముక్తి ర్జ్ఞానై స్నానజం ఫలమ్ ।

స్వర్గారోహణ సోపాని మహాపుణ్యతరంగిణీ ॥

విశ్వేశం మాధవం ఢుంఢిం దణ్డపాణించ భైరవమ్ ।

వందే కాశీం గుహం గంగాం భవనీం మణికర్ణికామ్ ॥

అతితీక్ష మహాకాయ కల్పాంతదహనోపమ ।

భైరవాయ నమస్తుభ్యం అనుజ్ఞాం దాతు మర్హసి ॥

త్వం రాజా సర్వతీర్థానాం త్వమేవ జగతః పితా ।

యాచితౌ దేహిమే తీర్థం సర్వపాపాపనుత్తయే ॥

యో౽సౌ సర్వగతో విష్ణు శ్చైతన్యరూపీ నిరంజనః ।

స ఏవ ద్రవరూపేణ గంగాంభో నాత్ర సంశయః ॥

నందినీ నళినీ సీతా మాలినీ చ మహాపగా ।

విష్ణుపాదాబ్జసంభూతా గంగేత్రిపథగామినీ ॥

భాగీరథీ భోగవతీ జాహ్నవీ త్రిదశేశ్వరీ ।

ద్వాదశైతాని నామాని యత్ర యత్ర జలాశయే ॥

స్నానకాలే పఠేన్నిత్యం మహాపాతక నాశనమ్ ॥

అఘమర్షణ సూక్తం పవమాన సూక్తంచ జపేత్.

ఆపోహిష్టా ఇతి తిసృభిః హిరణ్య వర్ణా ఇతి చతసృభిః మార్జయేత్ . స్నాత్వాచమ్య.